डा. बाबुराम भट्टराईको सफल शल्यक्रिया
भक्तपुर, पूर्व प्रधानमन्त्री तथा नयाँ शक्ति पार्टीका संयोजक डा बाबुराम भट्टराईको आज मूत्रथैलीको सफल शल्यक्रिया गरिएको छ।
अस्पतालमा छोरी मानुसी र श्रीमति हिसिलाका साथ डा.भट्टराई । तस्विर: हिसिला यमीको फेसवुकबाट
गठ्ठाघरस्थित नागरिक कम्युनिटी अस्पतालमा आज अपराह्न भर्ना भएका पूर्वप्रधानमन्त्री डा भट्टराईको अस्पतालका मेडिकल सुपरिटेन्डेन्ट डा राकेश बर्माको नेतृत्वको चिकित्सक टोलीले सफलतापूर्वक शल्यक्रिया गरेको अस्पतालका निर्देशक श्रीभक्त कासिछ्वाले जानकारी दिए।
डा बर्माले भने, “पूर्वप्रधानमन्त्री भट्टराईले विगत डेढ वर्षदेखि मेरो निगरानीमा औषधि सेवन गरिरहनुभएको थियो, रोग निदानपछि आज शल्यक्रिया गरिएको हो ।” अस्पतालमा चार दिनसम्म उपचार गराएपछि भट्टराईलाई घर पठाइने अस्पतालले जनाएको छ। रासस
