काकीलाई बलात्कार गरेको आरोपमा माओवादी केन्द्रका निर्वाचित वडा सदस्य पक्राउ
सल्यान– सल्यानको ढोरचौर गाउँपालिकाका एक वडा सदस्य हाड नाता करणीको आरोपमा पक्राउ परेका छन् । काकी नाता पर्ने २० वर्षकी महिलालाई बलात्कार गरेको आरोपमा प्रहरीले २४ वर्षका उनलाई पक्रेको हो ।
अरोपितको घरमा डेरा गरेर बस्दै आएको र साउन ३ गते राती घरमा कोही नभएको बेलामा बलात्कार गरेको पीडितले बताएकी छन् । पीडितको साउन ७ गते जिल्ला अस्पताल सल्यानमा स्वास्थ्य परिक्षण गरिएको थियो ।
उनले साउन ६ गते अस्थायी प्रहरी पोष्ट ढोरचौरमा दिएको मौखिक उजुरीको आधारमा आरोपितलाई त्यही दिन गिरफ्तार गरिएको हो । जिल्ला प्रहरी कार्यालय सल्यानमा मुद्दा साउन ८ गते लिखित रुपमा दर्ता भएको हो ।
आरोपित वैशाख ३१ गते सम्पन्न स्थानीय तह पहिलो चरणको चुनावमा माओवादी केन्द्रबाट निर्वाचित वडा सदस्य हुन् । घटनाको थप अनुसन्धान भैरहेको डिएसपि श्याम खत्रीले जानकारी दिनु भएको छ ।
