बर्षाका कारण तेह्रथुममा ४ घरमा पूर्ण क्षती, दर्जनौ घर उच्च जोखिममा, पीडित परिवार आफन्तको शरणमा
धनकुटा खबर / तेह्रथुम, २७ साउन । केही दिन यता अबिरल परेको बर्षाका कारण तेह्रथुमको ४ घरमा पूर्ण रुपमा क्षतिका साथै दर्जनौ घर उच्च जोखिममा परेका छन ।
बर्षाका कारण पहिरोले छथर गाँउपालिका २ मा २ वटा घर आठराई गाँउपालिकामा २ वटा घरमा पुर्ण रुपमा क्षती भएको छ । छथर गाँउपालिका २ मा दलरुप लिम्बु र कृष्ण सुबेदीको घर पुर्ण क्षती भएको सुक्रबारे प्रहरीचौकीका ईन्चार्च प्रशुराम गिरीले बताउनु भयो ।
त्यस्तै आठराई गाँउपालिकाको केन्द्र सग्रान्ती बजारमा रहेको दुर्गा गुरुङ र युबराज बाँनियाको घरमा पुर्ण रुपमा क्षती आठराई देबी कटुवाल र डम्बर कटुवालको घरमा आंशिक क्षती भएको ईलाका प्रहरी कार्यलय संग्रान्ती बजारका डम्बर पुरी ले बताउनु भयो ।
क्षती भएका घरपरिवारलाई आफन्तको शरणमा रहरेको प्रहरीले जनाएको छ । क्षती भए लगात्तै प्रहरी र स्थानीयबासीहरुको सकृयतामा पिडित परिवारलाई उद्धार गरीएको थियो । बर्षाका कारण तेह्रथुम सदरमुकाम म्याङलुङ जोडिने सडकका साथै ग्रामिण क्षेत्रमा रहेका सडकहरुमा पहिरो जाँदा यातायातका सवारी साधनहरु आवात जावतमा समस्या बनेको छथर गाँउपालिकाका प्रमुख सन्तोष तिगेलाले बताउनु भयो ।
बर्षाले तेह्र्रथुम जिल्ला सदुमुकाम सहित जिल्लाका छथर आठराई र फेदाप क्षेत्रमा पहिरोको उच्च जोखिम बढेको प्रहरीले जनाएको छ । पहिरोको कारण क्षती हुँदा लाखौको क्षती भएको र मानबिय तथा चौपया क्षतीको बिबरण अहिले सम्म नआएको प्रहरीले जनाएकोे छ ।
