तराई मधेसका बाढी पीडितहरुका लागि ओलीद्वारा प्रधानमन्त्रीलाई १ करोडको चेक प्रदान
काठमाडौं, ६ भदौ । एमाले अध्यक्ष केपी शर्मा ओलीले तराई मधेसका बाढी पीडितहरुका लागि पार्टीको तर्फबाट प्रधानमन्त्री राहत कोषमा करिव १ करोड रुपैयाँ हस्तान्तरण गर्नुभएको छ ।
प्रधानमन्त्री कार्यालय सिंहदरवारमा मंगलवार प्रधानमन्त्री देउवालाई पार्टीको प्रतिनिधि मण्डलसहित भेट्न पुग्नुभएका ओलीले चेक हस्तान्तरण गर्नु भएको हो ।
ओलीले एमालेका सांसदहरुको तर्फबाट संकलन भएको ९९ लाख ७८ हजार ३ सय ९० रुपैयाँको चेक प्रधानमन्त्री देउवालाई हस्तान्तरण गर्नुभयो ।
एमालेले यसअघि नै उद्धार र राहतमा खटेका पार्टी कार्यकर्तालाई राहत सामग्री प्रदान गरेको थियो । तराईका १४ जिल्लामा एमालेका जनवर्गीय संगठनहरु राहत सामग्री र चिकित्सक सहित औषधी लिएर परिचालित भएका छन् ।
