लहान मा कांग्रेसलाई पछि पार्दै एमालेको अग्रता
सिरहामा कांग्रेस, माओवादी र संघीय फोरम एक एक वडामा विजयी
लहानमा कांग्रेसलाई पछि पार्दै एमालेको अग्रता
लहान, ३ असोज । लहान नगरपालिकाको मतगणनाको पछिल्लो नतिजामा एमालेले अग्रता लिएको छ । यसअघि कांग्रेसले लिएको अग्रता तोड्दै एमालेले अग्रता लिएको हो ।
पछिल्लो नतिजा अनुसार मेयरमा एमालेले ९३१ मत पाएको छ भने कांग्रेसले ७२५ मत पाएको छ । यस्तै तेस्रो स्थानमा संघीय समाजवादी फोरमले ७०४ मत पाएको छ । उपमेयरमा भने कांग्रेसकै अग्रता छ । उपमेयरमा कांग्रेसले ९५०, एमालेले ७४३ र फोरमले ७५३ मत पाएका छन् ।
सिरहामा कांग्रेस, माओवादी र संघीय फोरम एक एक वडामा विजयी
सिरहामा नेपाली कांग्रेस, नेकपा माओवादी केन्द्र र संघीय समाजवादी फोरम नेपाल एक–एक वडामा विजयी भएका छन् ।
लहान नगरपालिका वडा नं १ मा कांग्रेस, कर्जन्हा नगरपालिका वडा नं १ मा माओवादी केन्द्र र भगवानपुर गाउँपालिका वडा नं १ का संघीय समाजवादी फोरम नेपाल आफ्नो समूहसहित विजयी भएका जिल्ला निर्वाचन कार्यालयले जनाएको छ ।
लहान नगरपालिका वडा नं १ का कांग्रेसका उम्मेदवार सियाराम यादवले २९९ मत प्राप्त गरी विजयी हुनुभयो भने कर्जन्हा नगरपालिका वडा नं १ मा माओवादी केन्द्रका वडाध्यक्ष उम्मेदवार मोहनबहादुर खत्री ३४२ मत प्राप्त गरी विजयी हुनुभयो । यसैगरी सिरहाको भगवानपुर गाउँपालिका वडा नं १ का संघीय समाजवादी फोरम नेपालका बद्रीनारायण यादव वडाध्यक्षमा विजयी हुनुभएको छ ।
मतगणना भइरहेको सिरहाको गोलबजार र मिर्चैया नगारपालिका, अर्नमा गाउँपालिकामा माओवादी केन्द्रले अग्रता कायम गरेको छ भने लहान, धनगढीमाई नगरपालिकामा कांग्रेसले अग्रता लिएको छ ।
त्यस्तै कर्जन्हा नगरपालिकासहित विष्णुपुर र नरहा गाउँपालिकामा नेकपा एमालेले अग्रता लिएको छ । सिरहाको सबैभन्दा ठूलो नगरपालिका लहान नगरपालिकामा कांग्रेसले अग्रता लिएको छ । निर्वाचन कार्यालयले सिरहामा मतगणनास्थललाई सुरक्षित बनाएर मत गणना गरिरहेको प्रमुख निर्वाचन अधिकृत अमृतबहादुर बस्नेतले जानकारी दिनुभयो ।
