सिरहाको कर्जन्हा नगरपालिकाको प्रमुख र उपप्रमुखमा माओवादी केन्द्रका उम्मेदवार विजयी
लहान, ४ असोज : सिरहाको कर्जन्हा नगरपालिकाको प्रमुख र उपप्रमुखमा नेकपा (माओवादी केन्द्र) का उम्मेदवार विजयी भएका छन् ।
केहीबेर अघि सम्पन्न मतपरिणामअनुसार प्रमुखमा माओवादी केन्द्रका गंगा पासवान र उपप्रमुखमा माओवादी केन्द्रकै ज्ञानकुमारी श्रेष्ठ निर्वाचित हुनुभएको हो ।
प्रमुख पासवानले चार हजार ३०९ मत प्राप्त गर्नुभएको थियो भने उहाँका निकटतम प्रतिद्वन्द्वी नेकपा (एमाले)का रामदयाल महतोले तीन हजार १९० मत प्राप्त गर्नुभयो ।
यस्तै उपप्रमुख श्रेष्ठले चार हजार ३१३ मत प्राप्त गर्नुभयो भने उहाँका निकटतम प्रतिद्वन्द्वी एमालेकी अन्जु राईले दुई हजार ९४५ मत प्राप्त गरेको निर्वाचन अधिकृत सुवर्णमान बनेपालीले जानकारी दिनुभयो ।
