माओवादी केन्द्र र संघीय समाजवादी फोरमको गठबन्धनलाई हराउँदै सुखीपुरमा एमाले विजयी
लहान । नेकपा (माओवादी केन्द्र) र संघीय समाजवादी फोरमको गठबन्धनलाई हराउँदै नेकपा (एमाले)ले सिरहाको सुखीपुर नगरपालिका प्रमुख र उपप्रमुख दुवै पदमा जित हासिल गरेको छ ।
केहीबेरअघि सम्पन्न मतगणनानुसार प्रमुखमा रामअवतार यादव र उपप्रमुखमा रेणुदेवी साह विजयी भएका हुन्। यादवले छ हजार १११ र उहाँका निकटतम प्रतिद्वन्द्वी संघीय समाजवादी फोरम नेपालका लक्ष्मण चौधरीले चार हजार १८६ मत प्राप्त गरे।
यस्तै उपप्रमुखमा एमालेकै साहले छ हजार ८६ र उहाँका निकटतम प्रतिद्वन्द्वी नेकपा (माओवादी केन्द्र)का दीपनारायण यादवले तीन हजार ३५४ मत प्राप्त गरे। यससँगै एमालेले सिरहाको तीन स्थानीय तहमा विजयी हासिल गरेको छ । रासस
