गुल्मी एमालेमा प्रदिप र गोकर्णको नाम सर्वसम्मत, रामकुमारी झाँक्री समानुपातिकमा सिफारिस
गुल्मी, १९ असोज । आगामी मंसिरमा हुने प्रतिनिधीसभा र प्रदेशसभाको चुनावका लागि एमाले गुल्मीले दुबै क्षेत्रबाट सर्वसम्मत रुपमा उम्मेदवार सिफारिस गरेको छ ।
जिल्ला कमिटीको बैठकले दुई केन्द्रीय सचिव प्रदिप ज्ञवाली र गोकर्ण बिष्टलाई सिफारिस गरेको एमाले गुल्मीका सचिवालय सदस्य जंग नेपालीले जानकारी दिए ।
ज्ञवाली गुल्मी क्षेत्र नम्बर १ बाट र बिष्ट क्षेत्र नम्बर २ बाट सिफारिस भएका हुन् । ज्ञवाली साबिकको क्षेत्र नम्बर २ बाट दुई पटक निर्वाचित भएका थिए । ज्ञवाली २०५६ साल र २०६४ सालमा सम्पन्न निर्वाचित भएका थिए ।
बिष्ट साबिकको क्षेत्र नम्बर ३ बाट २ पटक निर्वाचित भएका थिए । उनि २०५६ साल र २०७० सालमा सम्पन्न निर्वाचनमा निर्वाचित भएका हुन् ।
गुल्मीलाई तीनवटा क्षेत्रबाट समायोजन गरी २ वटा क्षेत्र निर्धारण गरिएको छ । जिल्लामा प्रदेशसभाका लागि भने ४ वटा क्षेत्र निर्धारण गरिएको छ ।
एमाले गुल्मीले प्रदेशसभाको उम्मेदवारको नाम सर्वसम्मत बनाउने तर्फ लागेको नेपालीले जानकारी दिए । प्रदेश सभा तर्फ २ नम्बर क्षेत्रबाट पूर्व संसद कमल क्षेष्ठ सर्वसम्मत सिफारिस भएका छन् ।
श्रेष्ठ २०५१ सालमा सम्पन्न निर्वाचनम गुल्मी क्षेत्र नम्बर २ बाट निर्वाचित भएका थिए ।
अन्य तीन वटा प्रदेशका क्षेत्रबाट धेरै आकांक्षीहरु भएसँगै नाम सर्वसम्मत बनाउने तयारी भइरहेको एमाले गुल्मीले जनाएको छ ।
प्रदेशसभा तर्फ एक क्षेत्रबाट १५ जना सम्म आकांक्षीहरुले उम्मेदवार बन्नको लागि दावी गरेकाले नाम सिफारिस हुन सकेको छैन् । धेरैले इच्छा जायरगरेपछी जिल्ला कमिटीलाई छनोट गर्नको लागि नाम पठाएका छन् ।
प्रतिनिधिसभा तर्फ समानुपातिक तर्फ बालसिंह काउछा, मैना भण्डारी, गणेश बिश्वकर्मा, होमनाथ कँडेल, भिम पौडेलको नाम सिफारि गरेको छ ।
त्यस्तै क्षेत्र नम्बर २ बाट प्रतिनिधिसभाको समानुपातिक तर्फ बोम खड्का, रामकुमारी झाँक्री, सागिर मियाँको नाम सफारिस गरिएको सचिवालय सदस्य नेपाली जानकारी दिए ।
अन्य दलहरुले पनि उम्मेदवार सिफारिसको लागि छलफल भइरहेको जनाएका छन् । अनलाईन खबर ।
