बाम गठबन्धनबाट बाहिरिएका बाबुराम भट्टराईको चुनाव चिन्ह रुख !
काठमाडौं २९ असोज । उम्मेदवारीमा कुरा नमिलेपछि बाम गठबन्धनबाट बाहिरिएका नयाँ शक्ति पार्टीका संयोजक बाबुराम भट्टराई र काँग्रेस सभापतिसमेत रहेका प्रधानमन्त्री शेरबहादुर देउवाबीच आइतबार भेटावार्ता भएको छ ।
भेटमा नयाँ शक्ति लोकतान्त्रिक गठबन्धनमा सहभागी हुनेबारे छलफल भएको प्रधानमन्त्रीको निजी सचिवालयले जनाएको छ ।
भट्टराईले बाम गठन्धनका तर्फबाट साझा उम्मेदवारका रुपमा गृह जिल्ला गोरखा–२ बाट प्रत्यक्षतर्फबाट संघीय संसदको सदस्यमा चुनाव लड्न चाहेका थिए ।
तर, माओवादी नेता नारायणकाजी श्रेष्ठले पनि सोही निर्वाचन क्षेत्रबाट उम्मेदवारीमा दाबी नछाडेपछि भट्टराई बाम गठबन्धनबाट बाहिरिएका थिए ।
स्रोतका अनुसार सभापति देउवाले काँग्रेसको समर्थनमा चुनाव लड्ने भट्टराईको प्रस्ताव स्वीकार गरेका छन् । तर, भट्टराईले आफूसहित संघीय संसदमा ११ सिटमा दाबी गरेका कारण कुरा मिल्न भने सकेन ।
