धनकुटा क्षेत्र नम्बर २ अन्तरगत भस्मे र वेतेमा संयुक्त बाम गठबन्धनको सभा
धनकुटा । आसन्न प्रदेशसभा निर्वाचनलाई लक्षित गरी संयुक्त बाम गठबन्धनले आज धनकुटा क्षेत्र नम्बर २ अन्तरगत छथर जोरपाटी गाउँपालिकाका दुई स्थानमा वडासभा गरेको छ ।
गठबन्धनले छथर जोरपाटी–१ बेते र २ भस्मेमा वडासभा गरेको हो । कार्यक्रममा प्रदेशसभा सदस्यका उम्मेद्वार इन्द्रमणी पराजुलीले गाउँको विकासका लागि बाम गठबन्धनलाई जिताउँन आग्रह गर्नुभएको छ ।
कार्यक्रममा एमाले नेता शिव आङ्ला, शेरबहादुर लिम्बु, उमेश घिमिरे, माओवादी केन्द्रका नेता सन्देश क्षेत्री, गीता खेवा, सर्मिला राई लगायतले संबोधन गरेका थिए ।
बक्ताहरुले बाम गठबन्धको जितले मात्र गाउँ देखि सहरसम्मको विकास सम्भव हुँने धारणा राख्दै बाम गठबन्धनलाई जिताउँन सवैमा अपिल गर्नुभएको छ ।
