कांग्रेस नेता ज्ञानबहादुर गुरुङको अपिल : धनकुटामा सुनील थापाको अर्को विकल्प छैन (भिडियो सहित)
धनकुटा । आगामी मंसिर २१ मा हुने प्रतिनिधि सभाको निर्वाचनको मिति नजिकिँदै गर्दा धनकुटामा सुनीलबहादुर थापाको पक्षमा जनलहर बढ्दै गएको छ । स्थानीय तहमा आएको मतका आधारमा वाम गठबन्धनले सजिलै जित्छौ भनिरहेका बेला थापाको पक्षमा जनलहर उर्लिएको छ ।
धनकुटा जिल्लाको पाख्रिवास नगरपालिकाका गत स्थानीय तहको निर्वाचनमा एमालेले जित हात पारेको थियो । सो निर्वाचनमा नेपाली कांग्रेसको तर्फबाट उपमेयर उठेका ज्ञानबहादुर गुरुङले स्थानीय तहको निर्वाचनलाई हेरेर प्रतिनिधि सभासँग तुलना गर्न नहुने बताउँछन् ।
उनले धनकुटा खबरसँगको कुराकानीमा लोकतन्त्रको रक्षार्थ धनकुटामा लोकतान्त्रिक गठबन्धनबाट उम्मेदवार बनेको पतिनिधि सभामा सुनीलबादुर थापा प्रदेशतर्फ ‘क’ मा नेपाली कांगेसका पूर्व जिल्ला सभापति तथा पूर्व सभासद् मनोहर नारायण श्रेष्ठ र ‘ख’ मा संघीय समाजवादी फोरमका नेता अर्जुन थापालाई जिताउन अपिल गरे ।
उनले धनकुटेलीको चाहना पूरा गर्न लोकतान्त्रिक गठबन्धनको जित आवश्यक रहेको बताए । उनले लोकतान्त्रिक गठबन्धनका उम्मेदवारहरु धनकुटाको विकासका लागि उपयुक्त भएको उनको ठहर छ । हेर्नुस भिडियो
