जिल्लाबासीको मत जितेकाले आफू विजयी हुने मन्त्री थापाको दावी
धनकुटा खबर । उद्योग मन्त्री सुनीलबहादुर थापाले धनकुटाको पाख्रिवासमा मतदान गर्नुभएको छ ।
धनकुटाबाट प्रतिनिधिसभा सदस्यका उम्मेदवारसमेत रहनुभएका थापाले पाख्रिवास नगरपालिका वडा नं. ८ मुगास्थित जागिर गाउँ मतदान केन्द्रबाट मतदान गर्नु भएको हो ।
मन्त्री थापाले आज विहान ७ बजेर २ मिनेट जादा मतदान गर्नुभएको हो । उहाँले मतदान गरेपछि जिल्लाबासीको मन जितेकाले आफु विजयी हुने दावी गर्नुभयो । उहाँले मतदाताको उत्साह देखेर आफु पनि उत्साहि बनेको प्रतिक्रिया दिनुभयो ।
त्यसैगरी प्रतिनिधिसभामा थापाका प्रतिद्धन्द्धी वाम गठबन्धनका उम्मेदवार राजेन्द्र राईले पाख्रिवास नगरपालिका वडा नं. ७ स्थित सरस्वती प्रावि मतदान केन्द्रबाट विहान ७ बजेर २० मिनेट जादा मतदान गर्नु भयो ।
मतदानपछि राईले दोसो संविधानसभामा आफु पराजित भए पनि गत स्थानीय तहको निर्वाचनमा जनताले आफु र आफ्नो पार्टीलाई मतदान गरेकोले आफु विजयी हुने दावी गर्नुभयो ।
त्यसैगरी बरिष्ठ साहित्यकार डा. झमककुमारी घिमिरेले धनकुटा नगरपालिका वडा नं. ६ स्थित बहुउदेश्य सामुदायीक भवन आँखा अस्पताल (क) केन्द्रमा मतदान गर्नुभयो ।
