बैतडीमा प्रारम्भिक नतिजा सार्वजनिक, वाम गठबन्धन अगाडि
बैतडी, मंसिर २१ । बैतडीमा मंसिर १० गते सम्पन्न पहिलो चरणको प्रतिनिधिसभा र प्रदेशसभा सदस्य निर्वाचनको मतगणना बिहीबार साँझ ५ बजेदेखि सुरु भएको छ ।
प्रारम्भिक नतिजा सार्वजनिक भएको छ । जसमा प्रतिनिधिसभातर्फ १३७६ मतगणना हुँदा नेकपा एमालेका उम्मेदवार दामोदर भण्डारीले ६५९ र नेपाली कांग्रेसका नरबहादुर चन्दले ५४४ मत प्राप्त गरेका छन् ।
प्रदेशसभा ‘क’मा ९४८ मतगणना हुँदा कांग्रेसका हरिमोहन भण्डारी ४११ र माओवादी केन्द्रका प्रेमप्रकाश भट्टले ४११ मत प्राप्त गरेका छन् ।
यस्तै, प्रदेशसभा ‘ख’मा १३०५ मतगणना हुँदा नेकपा एमालेका लिलाधर भट्ट ६६७ र राप्रपाका गणेश चन्दले ५६८ मत प्राप्त गरेको जनाइएको छ ।
१ लाख ३२ हजार ३१९ मतदाता रहेका बैतडीमा प्रतिनिधिसभा तथा प्रदेशसभाको निर्वाचनमा ७६ हजार ३४३ मतदाताले मतदान गरेका थिए ।
