नारायणकाजी ले शेरबहादुर देउवालाई थर्काए !
काठमाण्डौ । माओवादी केन्द्रका वरिष्ठ नेता नारायणकाजी श्रेष्ठले कामचलाउ हैसियतमा सीमित वर्तमान काँग्रेस नेतृत्वको सरकारलाई महत्वपूर्ण काम नगर्ने अधिकार नभएको भन्दै सचेत गराएका छन् ।
सरकारले सातवटै प्रदेशमा राज्यपाल नियुक्तिको तयारी गरेको समाचार आइरहेका बेला श्रेष्ठले वर्तमान कामचलाउ सरकारले निर्वाचित जनप्रतिनिधि संस्थालाई सत्ता हस्तान्तरणबाहेक अरु काम गर्न नहुने उल्लेख गरेका छन् । सामाजिक सञ्जाल फेसबुक र ट्वीटरमार्फत श्रेष्ठले बुधबार लोकतान्त्रिक मूल्यमान्यताको अनुशरण गर्न सरकारलाई आग्रह गरेका छन् ।
‘अहिलेको कामचलाउ सरकारले निर्वाचित जनप्रतिनिधि संस्थाहरुलाई सत्ता हस्तारण गर्नको लागि आवश्यक न्यूनतम संवैधानिक र कानुनी कार्यहरुबाहेक अन्य कुनै पनि निर्णय गर्नुहुँदैन । लोकतान्त्रिक मुल्य मान्यता लाई सबैले अनुसरण गरौं’, श्रेष्ठले लेखेका छन् ।
सरकारले निर्वाचन परिणाम आइरहेका बेला केही दिनअघि गोरखापत्र संस्थानको महाप्रबन्धकमा काँग्रेस निकट वसन्तप्रकाश शर्मा, चलचित्र विकास बोर्डको अध्यक्षमा निकिता पौडेललाई नियुक्त गरेको थियो । यस्तै नेपाल टेलिकमको प्रबन्ध निर्देशकमा कामिनी राजभण्डारीलाई हटाएर अनिल झालाई नियुक्ति गर्ने तयारी गरेको छ । – काठमाण्डूटुडेबाट
