निर्वाचित भएपछि राजेन्द्र महतोले दिए कांग्रेसलाई कडा चेतावनी !
धनुषा । राष्ट्रिय जनता पार्टीका नेता राजेन्द्र महतोले नेपाली काँग्रेसले मधेशमा जालझेल, षडयन्त्र र धम्कीको राजनीति गरिरहेको आरोप लगाएका छन्। जनकपुर क्षेत्र नम्बर ३ बाट प्रतिनिधिसभा सदस्यमा निर्वाचित भएका नेता महतोले जनतालाई झुटो मुद्दा लगाउनेलगायतका धम्की नदिन काँग्रेसलाई चेतावनी दिए।
शुक्रबार जनकपुरमा स्थानीय संचारकर्मीमाझ उनले काँग्रेसले निर्वाचनयता जनकपुरमा जनतालाई झुटा मुद्दा लगाउने लगायतका धम्कीको राजनीतिक गरिरहेको भन्दै तत्काल त्यस्ता गतिविधि छाडेर स्वस्थ प्रतिस्पर्धाको राजनीतिमा आउन आग्रह गरे। नेता महतोले मधेशमा जालझेल र षडयन्त्रको राजनीति गरेकाले काँग्रेसले निर्वाचनमा पराजय व्यहोर्नु परेको दावी गरे।
उनले मधेशका जनताले मधेश विरोधि गतिविधिमा संलग्न रहेकै कारण ३ ठूला दललाई निर्वाचनमार्फत् पराजित गरिदिएको उल्लेख गरे। झुटको राजनीति टिकाउ नहुने नेता महतको भनाइ छ। नेता महतोले जनकपुरलाई प्रदेश नम्बर २ को राजधानी बन्नबाट कसैले पनि रोक्न नसक्ने दावी समेत गरे।
