ठूला राजनीतिक परिवर्तनपछि नागरिकको जीवनमा के प्रभाव पर्यो ?
गएको एक दशकमा देशले ठूला राजनीतिक परिवर्तनहरू देख्यो । शान्ति प्रकृयाको शुरूवातसँगै संविधानसभाका दुई वटा चुनाव, गणतन्त्र घोषणा, संघीयता सहितको नयाँ संविधान, अधिकार सम्पन्न स्थानीय सरकार अनि भर्खरै सकिएको निर्वाचनबाट बन्ने प्रदेश र संघीय संसद र सरकारहरू । राजनीतिक घटनाक्रमलाई हेर्ने हो भने यो एक दशकमा धेरै ठूला परिवर्तनहरू भएका छन् । यि ठूला परिवर्तनले सामन्य नागरिकको दैनिक जीवनका स-साना समस्याहरूको सम्बोधन गरेको छ त ? आजको साझा सवालमा प्रधानमन्त्री तथा मन्त्रिपरिषद् कार्यालयका सचिव महेन्द्रमान गुरूङ, काठमाण्डौं महानगरपालिका उपप्रमुख हरिप्रभा खड्गी र नेपाल विद्युत प्राधिकरणका प्रबन्ध निर्देशक कुलमान घिसिङसँग काठमाण्डौं र नुवाकोटका सहभागिहरूको बहस
