भारतीय सिमा नाका पुगेरै न्यानो कपडा वितरण गर्दै उपराष्ट्रपतिकी बुहारी !
पुष ३० । समृद्ध नेपाल नामक संस्थाले तराईमा जाडो र शितलहरले कठ्याङ्ग्रीएका पर्साको पकाहाँ मैनापुर गाउँपालिकाको ४ र ५ नं वडामा कपडा वितरण गरेको छ ।
यो गाउँपालिको ५ नं वडामा रहेका ३३ मुस्लिम परिवार, १४ धोवी परिवार, ८ वटा दुसाद परिवार, ५० चमार परिवार, ८ विन परिवार र गिरी परिवारलाई कपडा वितरण गरेको संस्थाकि अध्यक्ष जुन घर्ती मगरले बताइन् ।
विरगन्जबाट करिब ३० किमी टाढा रहेको यो गाउँपालिका भारतसंग सिमाना जोडिएको छ । समान्य फुसको बस्ती रहेको यो वडामा सिमासुरक्षाका लागि सशस्त्र प्रहरी बल राखिएको छ । सिमा सुरक्षा बलका सशस्त्र प्रहरी बलका निरिक्षक लाप्साङ तामाङले समृद्ध नेपालसंग सहजीकरण गरेर कपडा वितरण गर्न पहल गरेका थिए ।
न्यानो पाएपछि ६३ बर्षिया जमुना रावत बरैले भनिन्,‘जाडोले केटा केटी र बुढापाकाहरुलाईं समस्या छ । दिनभरी घाम लाग्दैन कित परालको आगो तापेर बस्नु पर्छ । कि भित्रै खुम्चिएर बस्नु पर्छ ।’
त्यस्तै महन्त शाह नेलीले जाडोमा राहत पाएपछि खुसी व्यक्त गरे । न्यानो पाएपछि शोभा देवि पटेलको मुहारमा पनि खुसी थियो । ‘बुढा पाका र छोरा छोरीले कपडा पाएर खुशि छौ,’ उनले भनिन् ।
सशस्त्र प्रहरी बलका निरिक्षक तामाङले पकाहा मैनापुर गाउँपालिका वडा नम्बर ४ र ५ मा दलित बस्ती रहेको बताए । ‘यहाँ दलित बस्ति बढी छन् । न रोजगारी छ न शिक्षा र जनजेतना नै छ । चिसोका कारण धेरै समस्या भएको छ ।’ – दीयो पोष्ट ।
