धनकुटाको महालक्ष्मी नगरका गर्भ जाँच गराउने महिलाले पाऊने भए हरेक पटक ५ सय रुपैयाँ, स्वास्थ्य केन्द्रमा सुत्केरी गराए थप ३ हजार – भिडियो सहित
धनकुटा खबर । धनकुटाको महालक्ष्मी नगरपालिकाले गर्भवती आमा र तिनबाट जन्मने नवजात शिशुको शारिरिक तथा बौद्धिक तन्दुरुस्तीका लागि आमाबच्चा पोषण कार्यक्रम सुरु गरेको छ ।
गर्भावस्थाका लागि आवश्यक पौष्टिक आहारको कमि, गर्भ र सुत्केरी पछिको स्वस्थ्य तथा सुरक्षा सम्बन्धि ज्ञानको कमिले आमा बच्चाको स्वास्थ्य र भविष्य जोखिममा परेको भन्दै त्यस्तो समस्या न्यूनिकरणका लागि आमाबच्चा पोषण कार्यक्रम सुरु गरिएको महालक्ष्मी नगरपालिकाका प्रमुख पर्शुराम नेपालले बताउनुभयो ।
स्वास्थ्य केन्द्रमा नियमानुसार अनिवार्य गर्भ जाँच गराउने महिलाले हरेक पटक पाँच सय रुपैयाँ प्रोत्साहन रकम पाउँने छन् । यस्तै स्वास्थ्य केन्द्रमा सुत्केरी गराउँने महिलाले सरकारले दिनेबाहेक प्रोत्साहन स्वरुप थप तीनहजार रुपैयाँ रकम पाउने नगरपालिका कार्यालयले जनाएको छ ।
यस अन्तर्गत २४ हजार आठसय जनसंख्या रहेको धनकुटाको महालक्ष्मी नगरपालिका भित्रका साविक जीतपुर, लेगुवा, चानुवा, डाँडागाउँ, मुर्तिढुंगा र मारेककटहरे का गर्भवति महिला लाभान्वित हुनेछन् ।
https://youtu.be/xRh1Lutns08
