एमालेका कारण एकिकरणमा ढिलाई : नारायणकाजी श्रेष्ठ
काठमाडौं, २२ माघ । माओवादी केन्द्रका नेता नारायणकाजी श्रेष्ठले तत्काल पार्टी एकता हुन नसक्ने खुलाशा गरेका छन् ।
आफू निकटका नेताहरूसँगको गोप्य भेलामा श्रेष्ठले एमालेका कारण एकिकरणमा ढिलाई भएको आरोप लगाएका छन् ।
स्रोतका अनुसार एकिकरणको नाममा राष्ट्रिय सभाको चुनाव सम्म मात्रै माओवादीलाई सँगै लिएर जाने एमालेले रणनिती बनाएको श्रेष्ठले बताएका छन् । त्यति मात्रै नभएर राष्ट्रिय सभाको चुनावपछि संघीय समाजवादी फोरम नेपाल र राजपा नेपालको साथ लिएर सरकार बनाउने रणनिती एमालेले अख्तियार गरेको उनले बताएका छन् ।
नेकपा एमालेका अध्यक्ष केपी ओलीले माओवादीसँग मिलेर सरकार बनाउदा वा एकता गर्दा पार्टीलाई हानी हुने र मधेशवादी पार्टीसँग मिलेर जाँदा मधेशमा साँगठनिक रुपमा बलियो हुने निष्कर्ष निकालेका छन् ।
श्रेष्ठको भनाइ उदृत गर्दै स्रोतले भन्यो, ‘एमालेले जनादेशको भावना बिपरीत सरकार बनाउने तयारी गर्छ भन्ने हामी काँग्रेससँग मिलेर सशक्त प्रतिपक्षको भुमिका निर्वाह गर्छौ ।’ – नेपाल पानाबाट
