धुर्मुस-सुन्तलीले गरेजस्तो काम सरकारले गर्न सकेन, किन ?, यस्तो छ जनताको आवाज हेर्नुहोस जस्ताको तस्तै
सिताराम कट्टेल (धुर्मुस) र कुञ्जना घिमिरे (सुन्तली) को पहलमा रौतहटको चन्द्रपुर नगरपालिका वडा नम्बर–८, सन्तपुरमा बाढीपीडित दलित परिवारका लागि निर्माण गरिएको भूकम्प प्रतिरोधात्मक सुविधा सम्पन्न ४७ वटा घर मंगलबार बस्ती हस्तान्तरण गरिएको छ । गएको असोज ४ गते शिलान्यास गरिएको यो नमूना बस्तीमा सामुदायिक भवन, मन्दिर, क्लबघर, भ्यू टावर समेत बनेका छन् । गएको साउनमा आएको बाढीले गाउँका दलित परिवारको घर डुबानमा परेपछि धुर्मुस–सुन्तलीको पहलमा सुविधा सम्पन्न घर बनाइएको हो । बस्ती हस्तान्तरण कायक्रममा २ नम्बर प्रदेश प्रमुख रन्तेश्वर लाल कायस्थ, मदन कृष्ण श्रेष्ठ, हरिवंश आचार्यलगायतको उपस्थिति थियो । बस्ती २ सय ८४ जना बासिन्दाका लागि बनाइएको धुर्मुस–सुन्तली फाउण्डेसनले जनाएको छ । बस्ती करिब पाँच करोड ९६ लाखको लागतमा निर्माण भएको जनाइएको छ । बस्ति हस्तान्तरण पछि लाईटनेपालले धुर्मुस सुन्तलीले गरेजस्तो काम सरकारले किन गर्न सकेन भन्ने जिज्ञासा राखेकोमा जनताको आवाज हेर्नुहोस जस्ताको तस्तै
