एमाले र माओवादी केन्द्रका अध्यक्षबीच तीन घण्टा वार्ता, पार्टी एकता संयोजन समितिको वैठक भोलि, सरकार गठनको गृहकार्य तीब्र बनाइने
प्राइम टाइम न्यूज
राष्ट्रियसभाको निर्वाचन प्रक्रिया सम्पन्न भएसंगै अब प्रतिनिधिसभा र नयाँ सरकार गठनका औपचारिक प्रक्रियाहरु आरम्भ हुन थालेका छन् । नयाँ सरकारको गठनका लागि बाम गठबन्धन आतुर मात्र नभई उसंग आवश्यक र प्रष्ट वहुमत पनि छ । सरकार गठन मात्र नभई बाम गठबन्धनमा आबद्ध नेकपा एमाले र माओवादी केन्द्रबीच पार्टी एकताको हतारो पनि उत्तिकै छ । सरकार गठन र पार्टी एकतासंगसंगै गर्ने तयारीमा रहेपनि यी दुई दलबीच एकताको खाका अझै तयार हुन सकेको छैन् । एकताको प्रयासमा दुई दलका शीर्ष नेताहरुदेखि कार्यकर्तासम्मले सक्रियता देखाएपनि रफ्तार भने देखिएको छैन् । अनुमान, आशंका र हल्ला नेपाली समाजमा मात्र नभई राजनीतिक क्षेत्रमा उत्तिकै हुने गर्छन । अहिले यी दुई दलबीचको एकता पनि त्यही अनुमान, आशंका र हल्लाभित्र कैद छ । यस्ले औपचारिक टुंगो नलिएसम्म यी हल्लाहरुले बजारमा झनै बजार बनाउने भने निश्चित छ ।
प्राइम टाइम न्यूजका हेड्लाईन्स्
१. एमाले र माओवादी केन्द्रका अध्यक्षबीच विना सहयोगी तीन घण्टा वार्ता, पार्टी एकता संयोजन समितिको वैठक भोलि, सरकार गठनको गृहकार्य तीब्र बनाइने ।
२. उपभोक्तामाथि ब्रम्हलुट मच्चाउने फोर्ड गाडीको नेपालको लागि आधिकारिक विक्रेता जीओ अटोमोबाइल्सलाई अझै उन्मुक्ति, कारवाहीबाट वचाउन उच्च सरकारी अधिकारी नै सक्रिय ।
३. महाविनाशकारी भूकम्पको साढे दुई बर्ष वितिसक्दा पनि पर्वतमा पुनर्निर्माणको कामले गति लिन सकेन्, सरकारी ढिलासुस्ती र झण्झटिलो नीति नै बिलम्बको कारक ।
४. भारतीय मालबाहक सवारीले गर्ने गरेको नेपाल भित्रको ढुवानी रोक्का, नेपाली मालवाहक गाडीलाई खाली राखेर भारतीय मालवाहक गाडीलाई पोष्ने खेल रोकिनु पर्ने ।
५. राष्ट्रियसभा सदस्यको निर्वाचन भएसंगैं प्रतिनिधिसभालाई पूर्णता दिने प्रक्रिया सुरु , ढिलोमा फागुन २ गतेसम्म प्रतिनिधिसभाको अन्तिम परिणाम सार्वजनिक गरिने ।
६. खेलकुदको पूर्वाधार बनाउन बर्दियामा सामुदायिक वनको खयरको रुख धमाधम कटान, विना स्वीकृति कटान गरिएको भन्दै स्थानीयवासी उत्रिए विरोधमा ।
७. विष्णु गुरुङको निर्णायक गोलसँगै चार पटकको विजेता थ्रीस्टार बुढासुब्बा गोल्डकपको फाइनलमा, आहारारा फाइनलको पुनरावृति हुँदा उपाधिका लागि पुनः पुलिससंग भिड्ने ।
८. र, भ्रष्टाचार गरेको अभियोगमा बंगलादेशकी पूर्व प्रधानमन्त्री खालिदा जियालाई ५ बर्षको जेल सजाय सुनाइयो, अदालतको निर्णयविरुद्ध जियाका हजारौ समर्थकहरु सडकमा उत्रिए ।
