अब २० मिनेटमै काठमाण्डौ !, नौबिसे-काठमाण्डौ सुरुङमार्ग यस्तो बन्दैछ
सितापाईला नौबिसे सुरुङमार्ग निर्माणको काम यहिबर्षदेखी शुरु हुने भएको छ । नौबिसेको सिस्नेखोला र काठमाडौंको सतुंगल नजिकको बस्नेतछाप निस्केर सितापाईलामा जोडिने सुरुङमार्ग यहि आर्थिक बर्षदेखी शुरु हुने भएको हो ।
सुरुङ निर्माणका लागी आउने पुषमा ग्लोबल टेण्डर आह्वान गर्ने तयारी सडक विभागको छ ।
सुरुङ निर्माणको डिजाईन तयार भएपछि बाँकी बिषय सल्टाउन भौतिक योजना तथा निर्माणमन्त्रीसहितको टोलीले अहिले जापानमा यहि बिषयमा छलफल गरिरहेको छ ।
१६ अर्बको लागतमा बन्ने सुरुङमार्गका लागी जापान सरकारले १५ अर्ब रुपैयाँ ऋण दिने सम्झौता भइसकेको छ । नेपाल सरकारले ५ अर्ब ९४ करोड बजेट छुट्याएको छ ।
४ बर्षभित्र सम्पन्न गर्ने लक्ष्य लिएको सो मार्ग २।३५ किलोमिटर लामो हुनेछ । सुरुङमार्गमा प्रज्वलनशील पदार्थ बोकेका, मालबाहक ट्रक र मोटरसाइकल चलाउन नदिने योजना छ । मोटरसाइकललाई सुरुङ मार्ग पास गराउन विशेष गाडीको व्यवस्था गर्ने योजना बनेको छ ।
https://youtu.be/YXADCQAmEI4
