गल्फ मुलुकमा रोजगारीमा जाने नेपाली कामदारहरूको एकलौटी रुपमा स्वास्थ्य परीक्षण गर्दै आएको गाम्का नेपाल बन्द
काठमाडौं, १९ फागुन । गल्फ मुलुकमा रोजगारीमा जाने नेपाली कामदारहरूको स्वास्थ्य परीक्षण गर्दै आएको गाम्का नेपाल बन्द भएको छ ।
नेपाल कामदारहरूको एकलौटी रुपमा स्वास्थ्य परीक्षण गर्दै आएको गाम्का नेपालले दुःख दिएको भनेर आलोचना हुँदै आएको थियो । स्वास्थ्य परीक्षणमा गाम्का नेपालको एकाधिकार थियो ।
गल्फ कोअपरेसन काउन्सिल (जिसिसि)ले नयाँ नियम लगाएपछि गाम्का नेपाल बन्द भएको हो ।
वैदेशिक रोजगारमा जाने नेपाली कामदाहरूले अब अनलाइनबाट मेडिकलका लागि आवेदन फारम भर्नुपर्ने ब्यवस्था गरिएपछि गाम्का नेपालको एकाधिकार अन्त्य भएको छ । अब गल्फ मुलुकमा रोजगारीमा जाने कामदारहरूलाई केही सहज हुने भएको छ ।
साउदी अरब, ओमन र बहराइन जान लागेका नेपाली कामदारहरूले अबदेखि अनलाइनमा फर्म भरेर स्वास्थ्य परीक्षण गर्न सकिने गाम्का नेपालले जनाएको छ ।
जिसिसिले अनलाइनबाट स्वास्थ्य परीक्षणका लागि फारम भर्दा क्रेडिट कार्डबाट १० डलर बुझाउनुपर्ने नयाँ नियम ल्याएको छ । अनलाइनबाट आफूलाई पायक पर्ने स्वास्थ्य संस्था रोज्न सकिनेछ ।
जिसिसिमार्फत अहिले ११ वटा मेडिकल संचालनमा छन् । पायक पर्ने मेडिकल रोजिसकेपछि त्यहाँ पुगेर स्वास्थ्थ परीक्षणका लागि ५५ सय रुपैयाँ तिर्नुपर्नेछ ।
कामदारले तिरेको १० अमेरिकी डलर विदेशको खातामा जम्मा हुने भन्दै यस विषयमा राष्ट्र बैंकले अनुमति दिएको छैन् ।
– दैनिक नेपालबाट
