बिमा अबधीमा कुनै पशु मरे के हुन्छ ?
धनकुटामा पशु बिमा बढदै
धनकुटा खबर । पशु धनमा हुने नोक्सानी कम गर्न सुरु गरिएको पशु बिमा कार्यक्रम प्रति धनकुटाका किसानको आकर्षण बढेको छ ।
दुध र मासुका लागि व्यवसायीक फार्मको संख्या बढ्दै जाँदा पशुबिमाको ग्राफ पनि उभो लाग्दै गएको हो । धनकुटामा साउन यता मात्र १ सय २३ वटा गाई , १५ वटा भैँसी, ४० बटा बाख्राको विमा भएको धनकुटामा पशु विमाको जिम्मा पाएको ओरेन्टियल ईन्सुरेन्स कम्पनिकाले विमा गरेको अभिकर्ता गोरख बहादुर तामाङ्गले जानकारी दिए ।
त्यस्तै एनएलजी कम्पनीले १ सय ९८ गाई , १७ भैसी ५० बाख्राको विमा गरेको पशुसेवा कार्यलयका निमित प्रमुख पुष्पराज दाहालले जानकारी दिए । उनले भने,- ‘यसले किसानको लगानी र जोखिम कम गर्न मदत गर्छ ।’
अभिकर्ता गोरख बहादुर तामाङ्गले भने,- बिमा शुल्कमा सरकारले ७५ प्रतिशत अनुदानको ब्यबस्था गरेको छ बाँकि २५ प्रतिशत भने किसान आफैले तिर्नु पर्छ । बिमा अबधीमा कुनै पशुबस्तु मरे सम्बन्धीत कम्पनीले पिडित किसानलाई विमाको रकम बुझाउनु पर्ने प्राबधान छ ।
व्यवसायीक पशु फार्मको संख्यामा बृद्धि तथा किसानहरुमा बिमा प्रतिको बढ्दो चेतनाले यसबाट लाभ लिने किसानको संख्या उल्लेख्य रुपमा बढ्दै गएको जिल्ला पशु सेवा कार्यालय धनकुटाले जनाएको छ । धनकुटामा पशुविमाको संख्या बार्षिक रुपमा बढ्दै गएको कार्यालयको तथ्यांक छ ।
यो पनि हेर्नुहोस् – सरकारले उच्च प्राथमिकतामा राखेको भएता पनि बाली बिमा प्रति किसानको आकर्षण कम
