नेपालले अफगानिस्तानको सामना गर्दै, नेपालले टस जितेर ब्याटिङ रोज्यो – हेर्नुहोस् प्रत्यक्ष प्रसारण
काठमाडौं, फागुन २६ । विश्वकप छनोट अन्र्तगतको आफ्नो तेस्रो खेलमा शनिबार नेपालले अफगानिस्तानको सामना गर्दैछ । जिम्बावेको बुलावायोस्थित एथ्लेटिक क्लबको मैदानमा नेपाल टस जितेर ब्याटिङ रोजेको छ ।
प्रतियोगितामा नेपाल र अफगानिस्तान दुबै पहिलो जितको खोजीमा हुनेछन् । यसअघिका तीन खेलमा पराजित भएको अफगानिस्तानका लागि सुपर सिक्समा स्थान बनाउन आजको खेल जित्नैपर्ने दबाव रहेको छ । यता नेपालका लागि यो तेस्रो खेल हो र नेपालले यसअघिका दुई खेलमा जिम्बावे र स्कटल्याण्डसँग पराजित भएको छ ।
नेपालले अफगानिस्तानलाई एकदिवशीय क्रिकेटमा एकपटक मात्र हराउन सकेको छ । सन् २००४ को एसीसी ट्रफीमा नेपालले अफगानिस्तानलाई हराएको थियो । त्यसयताका ६ भेटमा अफगानी टोली विजयी हुँदै आएको छ ।
https://youtu.be/A420JdwD4fo
