बेन्च बहिष्कार गर्ने चोलेन्द्रबिरुद्ध मुद्दा चलाउन प्रधानन्यायाधीशले राष्ट्रपति भेटे
काठमाडौं । न्यायिक इतिहाँसमा क्रमभङगता गर्दै बेन्च बहिष्कार गर्ने न्यायाधीश चोलेन्द्रशम्शेर राणाबिरुद्ध अबहेलनाको मुद्दा दर्ताको तयारी गरिएको छ ।
मुद्दा दर्ता गर्नुभन्दा पहिले प्रधानन्यायाधीश गोपालप्रसाद पराजुलीले सोमवार साँझ राष्ट्रपति बिद्यादेवी भण्डारीसँग १ घण्टा छलफल गरेका छन् । न्यायाधीश राणाबिरुद्ध अबहेलनको मुद्दा चलाउने बिषयमा राष्ट्रपतिसँग छलफल गरेको उच्च स्रोतले बताएको छ ।
आइवारदेखि सर्वाेच्च अदालतको पूर्णइजलासमा कान्तिपुर र डा. गोविन्द केसीको अबहेलना मुद्दामा बहस भइरहेको थियो । आइतवार इजलासमा बसेर न्यायसम्पादन गरेका न्यायाधीश चोलेन्द्रशम्शेर राणाले सोमवार एक्कासी बेन्च बहिष्कार गर्ने फैसला लेखे ।
नेपालको न्यायीक इतिहासमा यो पहिलो घटना हो । प्रधानन्यायाधीबिरुद्ध न्यायाधीशले विद्रोह गरेका छन् । प्रधानन्यायाधीशबिरुद्ध विद्रोह गरेका राणालाई मंगलबार कुनैपनि मुद्दा हेर्न दिइएको छैन । उनको नाममा कुनैपनि पेशी नचडेको सर्वाेच्च अदालतले जनाएको छ ।
न्यायाधीश चोलेन्द्रशम्शेरले विद्रोह गरेपछि न्यायक्षेत्र दुई भागमा विभाजन भएको छ । प्रधानन्यायाधीशका पक्षमा केही न्यायाधीश र नेपाल बार एशोसिएशन छ भने राणाका पक्षमा २ न्यायाधीश र पाटन वार एशोसिएशन रहेको छ ।- एस काठमाडौं
