यूएस बंगला विमान दुर्घटना : उपहार खरानीमा परिणत भयो तर प्रेमपूर्वक लेखिएको यो सन्देश जस्ताको तस्तै रह्यो
नेपालको हवार्इ इतिहासमै हिजो दिउँसो भएको विमान दुर्घटना सबैभन्दा ठूलो र भयानक हो । सो दुर्घटनाले लाखौं नेपाली र बंगालदेशी नागरिकलार्इ एकसाथ अथाह पीडा दियो ।
ल्यान्डिङको क्रममा गडबढी भएपछि यूएस–बंगला एयरलाइन्समा आगो दन्दनी बल्यो । त्यहाँ भित्र रहेका ४९ जना यात्रुसहित कागजपत्र, लगेज खरानीमा परिणत भए ।
तर, आश्चर्यजनक रूपमा एउटा यस्तो कागज फेला पर्यो, जसले दुनियाँलार्इ चकित बनाएको छ । सबैचिज जलेर खसानी हुँदा पनि नजलेको एउटा कागजमा विशेष प्रेम सन्देश थियो ।
प्रेम कहिल्यै मर्दैन भने जस्तै भयो । सायद कुनै उपहारमा टाँसिएको त्यो कागजमा लेखिएको थियो, ‘तिमीलाई मन पर्छ कि पर्दैन, तर लगाइदेऊ ।’
त्यो उपहार त खरानीमा परिणत भयो । तर, प्रेमपूर्वक लेखिएको सन्देश जस्ताको तस्तै रह्यो । सन्देश कसले कसका लागि लेखेको थियो भन्ने पनि खुल्न सकेन । तर, यो सन्देश पढेपछि लाखौं करोडौंका आँखा अवश्य रसाए र सबैले त्यो जोडीको अमरत्वका लागि कामना गरे । – जुमएनपीबाट
