‘धनकुटा नगरपालिकाको विकास निर्माण योजना तथा कार्यक्रमहरु प्रशंसा योग्य’
धनकुटा खबर । धनकुटा नगरपालिकाले आर्थिक वर्ष २०७४/७५ को वार्षिक समिक्षा गोष्ठि सम्पन्न गरेको छ ।
जिल्ला समन्वय समितिका संयोजक टंक चौहानको प्रमुख आतिथ्य तथा नगर प्रमुख चिन्तन तामांगको अध्यक्षतामा सञ्चालित कार्यक्रमको वीच आज शिक्षा गोष्ठि सम्पन्न गरेको हो ।
गोष्ठिमा वोल्ने वक्तहरुले धनकुटा नगरपालिकाको विकास निर्माण, योजना तथा कार्यक्रमहरु प्रशंसा योग्य रहेको वताएकाछन् । उनीहरुले यस नगरपालिकाले गरेको कामको अन्य स्थानिय तहले पनि अनुशरण गरे उपयुक्त हुने समेत धारणा राखेका छन् ।
गोष्ठिमा प्रमुख जिल्ला अधिकारी सिताराम कार्की,नेकपाका प्रतिनीधि अर्जुन छारा,नेपाली कंग्रेसका नगरसभापति रोशन श्रेष्ठ, उद्योग वाणीज्य संघ धनकुटाका अध्यष उमेश घिमिरे लगायतकाले वोल्नुभएको थियो ।
त्यस्तै नगरले गरेको गतिवीधिको वारेमा जानकारी गराउदै नगरपालिकाले सञ्चालन गरेको कार्यहरुको वारेमा सोधिएका जिज्ञासाको समाधान प्रमुख प्रशासकीय अधिकृत टिकादत्त राईले गर्नुभएको थियो । स्वागत मन्तव्य नगर प्रवक्ता जम्शेर राईले राख्नुभएको थियो ।
गोष्ठिमा नागरिक समाजका अगुवा, राजनीतिक दलका प्रतिनीधि, विभिन्न संघ संस्थाका प्रमुख एवम् प्रतिनीधिहरुको उपस्थिती थियो ।
