धनकुटा सदरमुकाममा खानेपानीको हाहाकार !
मासिक ४ सय महशुल असुल्ने समितिले दुषित पानी संग्ल्याएर सम्म पनि दिन नसकेको उपभोक्ताको गुनासो
धनकुटा । धनकुटा सदरमुकाममा खानेपानीको हाहाकार भएको छ । हप्ता दिन देखि प्रयाप्त पानी आपूर्ति नहुदा उपभोक्ताहरु हैरान बनेका छन् ।
सदरमुकाम धनकुटा बजारका उपभोक्ताका लागि वितरण गरिने खानेपानीको मुख्य मुहान निबुवा खोलामा लगातर धमिलो पानी आए पछि यस्तो हाहाकार मचिएको हो ।
मुहान क्षेत्रमा लगातार बर्षा भएकोले पानी धमिलो भएका कारण ढुङ्गामाटो र लेदो सहितको पानी छान्न नसकिएकोले उपभोक्तालाई प्रयाप्त पानी दिन नसकिएको नगर खानेपानी कार्यालयका प्रमुख जीवलाल थेप्चीले बताए । उनले भने उपभोक्ताले प्रयाप्त पानी पाउनु पर्ने भए पनि काबु बाहिरको अवस्था भएकोले समस्या छ ।
खानेपानी समस्याको कारण लिएर डेलिकेशन जदा पनि कर्मचारी र समितिका पदाधिकारीको आफ्नै दुखेसो सुन्दा हैरान हुने गरेको धनकुटा ५का पृथुराम राई बताउछन् । उनि भन्छन् यस्तै हो भने धनकुटा नगरबासीको पानी सपना साकार हुने देखिदैन ।
आएको पानीमा हुनुपर्ने सुद्धता र गुणस्तरको कुरा छाडौं, घरेलु उपभोक्तासँग मासिक न्यूनतम ४ सय रुपैयाँ महशुल असुल्ने समितिले यस्तो दुषित पानी संग्ल्याएर सम्म दिन नसकेको उपभोक्ताको गुनासो छ ।
