वुद्ध पार्क निर्माणको लागि हिले वडाले छुट्यायो ५ लाख, अब यो बर्ष निर्माण कार्य पुरा हुने
धनकुटा । पर्यटकीय गन्तव्य धनकुटा १ हिलेमा निर्माणाधिन वुद्ध पार्कको निर्माण कार्य यो वर्ष पूरा हुने भएको छ ।
जसका लागि वडाले चालु आर्थिक वर्षमा ५ लाख वजेट विनियोजन गरेको छ । पर्यटकलाई लक्षित गरी यहाँको न्यूरोड साईडमा वन्दै गरेको यो पार्कको काम पूरा गर्न वडाले उल्लेखित वजेट छुट्याएको वडाध्यक्ष निरेन तामाङले जानकारी दिनुभयो ।
पार्कमा पानीको फोहरा सहितको वुद्धको मूर्ति निर्माण गरिन लागेको हो । पार्क निर्माण कार्य यही वर्ष पूरा गर्ने लक्ष रहेको वडाध्यक्ष तामाङको भनाईछ । यस अघि गत वर्ष त्यहाँ पानीको फोहरा निकाल्न ३ लाख लगतमा पाईप जडान गर्ने ,सिमेन्ट ढलान गर्ने (फाउण्डेशन) काम गरिसकिएको छ ।
अब यो वर्ष पार्कमा वुद्धको मूर्ति वनाउने,टयल विछ्याउने लगायतको काम गरिने वडाध्य क्ष तामाङले वताउनुभयो।
