सागुरीगढी खुल्ला नकआउट फुटवल प्रतियोगिताको फाईनल भोलि
धनकुटा । धनकुटाको सागुरीगढी गाउँपालिका ९ मा जारी खुल्ला नकआउट फुटवल प्रतियोगितामा आज सेमिफाईनलका २ वटा खेलहरु भएकाछन् ।
जसअनुसार सागुरीगढी गाउँपालिका फाक्सिव र वराह क्षेत्र नगरपालिका १ चियावारी वीचको खेलमा ४-२ गोल अन्तरले वराह क्षेत्र नगरपालिका १ चियावारी फाईनलमा प्रवेश गरेको छ । भने धरान २० र सागुरीगढी ९ भञ्ज्या वीचको खेलमा ० को विरुद्ध १ गोल लगाउदै धरान २० फाईनलमा प्रवेश गरेको छ ।
लक्ष्मी देउराली फुटवल क्वलको आयोजना तथा सागुरीगढी गाउँपालिकाको सहयोगमा सञ्चालित प्रतियोगिताको फाईनल खेल भोलि १० वजे देखी हुनेछ ।
प्रतियोगिताको प्रथम टिमले नगद १ लाख सहित कप,मेडल र प्रमाणपत्र पुरस्कार प्राप्त गर्नेछ भने दोश्रो हुने टिमले नगद २५ हजार सहित कप मेडल र प्रमाण पत्र प्राप्त गर्ने आयोजकले जनाएको छ । प्रतियोगिता सागुरीगढी गाउँपालिकाको २ लाख आर्थिक सहयोगमा सञ्चालन भईरहेको हो ।
