धनकुटामा चक्का जाम !
धनकुटा । पेट्रोलियम पदार्थको मुल्य बृद्धि फिर्ता र निर्मला पन्तको हत्यारालाई चाँढो पत्ता लगाउन माग गदै नेबिसघं धनकुटाले प्रदर्शन गरेको छ ।
देश ब्यापी कार्यक्रम अन्तरगत नेबिसघं धनकुटाले कोशि राजमार्ग अन्तरगतको धनकुटा स्थीत क्याम्पस गेटमा आज चक्का जाम गरेको हो ।
बिहान दश बजे देखि ११ बजे सम्म चक्काजाम गरिएको थियो । चक्काजामका कारण तराइवाट तेह्थुम संखुवासभा र भोजपुरको लागि हिडेका सबारीसाधन एक घण्टा सम्म बिच बाटोमै रोकिएका थिए ।
जिल्ला स्थीत नेबिसघंका नेता तथा कार्यकर्ता बिभिन्न प्लेकार्ड सहित एक घण्टा सडकमै बसेको थिए । पेट्रोलियम पदार्थको मुल्य बृद्धि गरेको र निर्मला पन्तको हत्यारालाइ पत्ता लगाउन ढिलाइ गरेको भन्दै सरकार बिरुद्ध नाराबाजी समेत गरेको थिए ।
आफ्ना माग लाइ बेबास्ता गरे आन्दोलनलाइ थप ससक्त बनाइने धनकुटा बहुमुखी क्याम्पसका नेबिसंघ सभापती सरोज धमलाले जानकारी दिनुभयो ।
