पाख्रीवासको घर-घरमा डस्विन !
धनकुटा । स्थानियको ४० प्रतिशत र वडाको ६० प्रतिशत लगानीमा फोहर व्यवस्थापनका लागि धनकुटाको पाख्रीवास नगरपालिका ३ र ४ नं वडाको वजार क्षेत्रमा डस्विन राखिएको छ ।
वडाको वडागत योजना अन्तर्गत ३ नं वडाको १ लाख र ४ नं वडाको ३ लाख गरी जम्मा ४ लाखको लागतमा दुवै वडाको वजार क्षेत्रका घर-घरमा ५ सय १० वटा भन्दा वढी मध्यम क्षमताको र २० वटा ३२ लिटर क्षामताको डस्बिन राखिएको ४ नं वडाध्यक्ष शोवित निरौलाले जानकारी दिनुभयो ।
वढी क्षामताको २० वटा डस्विन वजार क्षेत्रको मुख्य मुख्य स्थान अर्थात मानिसको वाक्लो उपस्थिती हुने ठाउँहरुमा राखिएको र मध्यम साईजका डस्विन घर घरमा वितरण गरिएको हो ।
वजार क्षेत्रमा मध्यम साईजको अझै २१ वटा डस्विन आवश्यक देखएकोले वडाले चाडै डस्विन खरिद गरी वितरण गर्ने अध्यक्ष निरौलाले बताउनुभयो ।
