बिद्युतको तार सर्ट हुँदा धनकुटामा भीषण आगलागी, ४ घर जलेर नष्ट
धनकुटा खबर । बिद्युतको तार सर्ट भई आगलागी हुंदा धनकुटाको महालक्ष्मी नगरपालिकामा चार घर जलेर नष्ट भएका छन् ।
नगरपालिका वडा नम्बर ४ स्थीत डाडाँखर्कमा स्थानीय ज्ञानबहादुर मगरको घरमा विधुत सर्ट भई अचानक आगलागी हुँदा छिमेकी कमलादेवी खड्का, रिपुमर्दन श्रेष्र्ठ र कालुमान राईको घर जलेर नष्ट भएको हो ।
विहान करिव साढे ११ बजेतिर सुरु भएको आगलागी स्थानीयबासी र सुरक्षाकर्मीको अथक प्रयासमा करिब ४ घण्टा पछिे नियन्त्रणमा आएको थियो ।
आगलागीले चार घरको ३१ लाख रुपैया वरावरको धनमाल क्षति भएको जिल्ला प्रहरी कार्यालयका प्रहरी निरिक्षक सुरेन्द्र बहादुर गुरुङ्गले जानकारी दिनुभयो ।
