धनकुटाका कैदीबन्दीलाई ३२ ईन्चको टिभी !
धनकुटा खबर । आफ्नो स्थापनाको ६५ औं दिवशको अवसरमा नेपाल तरुणदल धनकुटाले धनकुटाका कैदीबन्दि र अपांगता भएका बालबालिकाहरुलाई बिभिन्न सामाग्री हस्तान्तरण गरेको छ ।
नेपाली काँग्रेस धनकुटाका कोषाध्यक्ष तथा तरुण दलका अध्यक्ष दिनेश राईको अगुवाईमा धनकुटा कारागारका कैदीबन्दीलाई ३२ ईन्चको १ थान एल.सि.डि.टिभी दिईएको हो ।
त्यस्तै धनपा ४ स्थित मार्गेश्वरी प्राबिमा अध्ययनरत २१ जना सुस्तश्रवण भएका बालबालिकाहरुलाई जाडो मौसमका लागि स्वीटर दिईएको प्रेश यूनियनका अध्यक्ष यानिन्द्र तिगेलाले जानकारी दिनुभयो ।
सामाग्री वितरण कार्यक्रममा नेपाली काँग्रेस धनकुटाका सभापति अग्नी प्रसाद पौडेल,पूर्व माननिय मनोहर नारायण श्रेष्ठ,तरुणदल धनकुटाका पूर्व अध्यक्ष बिश्वप्रकाश श्रेष्ठ,महासमिति सदस्यद्वय आनन्द सन्तोषी राई र घनेन्द्रराज श्रेष्ठ, क्षत्रिय सभापति जितेन्द्र रुम्दाली राई लगाएतको सहभागिता रहेको थियो ।
कार्यक्रममा स्वागत मन्तब्य तरुण दल धनकुटा उपाध्यक्ष असिम शाक्यले गर्नुभएको थियो भने कार्यक्रमको ब्यबस्थापन तिलक महत गर्नुभएको थियो ।
