साईनिङ्ग क्लव चौविसेले हातपार्यो ऐतिहाँसिक खुल्ला नकआउट फुटवल प्रतियोगिताको जीत
धनकुटा । धनकुटाको चौविसे गाउँपालिका ४ भैसेटारमा सञ्चिालन भएको ऐतिहाँसिक खुल्ला नकआउट फुटवल प्रतियोगिताको जीत साईनिङ्ग स्पोर्टिङ क्लव चौविसेले हात पारेको छ ।
तेह्रथुम पञ्चकञ्या फुटवल क्लवसँग आज फाईनलमा भीडेको उसले ० को विरुद्ध ३ गोल लगाउदै जीत हाँसिल गरेको हो । जीत संगै उस्ले नगद २५ हजार पुरस्कार प्राप्त गरेको छ भने दोश्रो स्थानमा चित्त वुझाएको तेह्रथुम पञ्चकञ्याले नगद १२ हजार ५ सय नगद पुरस्कार पाएको छ ।
कोशी भ्याली युवा क्लव चौविसे गाउँपालिका भैसेटार धनकुटाद्धारा दशै,तिहार र छठ पर्वको अवसरमा आयोजित प्रतियोगितामा जम्मा १२ टिमको सहभागीता थियो । प्रतियोगिता गत कार्तिक ७ गतेदेखी सञ्चालन भएको थियो ।
विजयी समूहहरुलाई प्रतियोगिता समापन कार्यक्रमको वीच पुरस्कार वितरण गरिएको स्थानिय विनोद मगरले जानकारी दिनुभयो । आयोजक क्लवका अध्यक्ष राजन माझीको अध्यक्षतामा भएको कार्यक्रममा प्रमुख अतिथि अभिभावक विन्द्र माझीले पुरस्कार प्रदान गर्नुभएको थियो । कार्यक्रमको सञ्चालन क्लवका सचिव मंगल माझीले गर्नुभएको थियो ।
