धनकुटाको हिलेस्थित एक घरमा आगलागी, साढे ७ लाख क्षती
धनकुटा । गएराती धनकुटा १ हिले सिंजाली टोलको एक घरमा आग्लागी भएको छ ।
लक्ष्मीपूजा गरेको वत्तीवाट सल्केको आगोले सिंजाली टोलका गोरख वहादुर राईको घरमा आग्लागी भएको हिले प्रहरी चौकीका प्रमुख यदु खड्काले जानकारी दिनुभयो ।
आग्लागीवाट करिव साढे ७ लाख वरावरको क्षती भएको प्रारम्भिक अनुमान प्रहरीले गरेको छ । घरको माथिल्लो तलामा लक्ष्मी पूजा गरी परिवारका सदस्यहरु अन्य काममा लागेको समयमा नजिकै रहेको परालमा वत्तीवाट आगो सल्किदा आग्लागी भएको हो ।
आग्लागीको कारण लक्ष्मी पूजाका लागि पूजा स्थलमा राखिएका सम्पूर्ण सामाग्री सहित घरको माथिल्लो भाग पूर्ण रुपामा जलेको प्रमुख खड्काले वताउनुभयो । अग्लागी शूरु भएको करिव एक घण्टा पछिमात्र परिवारका सदस्यले थाह पाएर आफुहरुलाई खवर गरेको र आफुहरु गएर स्थानियको सहयोगमा आगो नियन्त्रणमा लिएको प्रहरीले जनाएको छ ।
