तिहारको अवसरमा पाख्रीवासमा खुल्ला नआउट फुटवल, फलाटेले जित्यो उपाधी
धनकुटा । तिहारको अवसरमा धनकुटाको पाख्रीवास नगरपालिका ८ राई गाउँमा सञ्चालित खुल्ला नआउट पुरुष फुटवल प्रतियोगिताको उपाधि जीमीगाउँ युथ क्लव पाख्रीवास ६ फलाटेले जितेको छ ।
फुराहाङ युवा क्लव पाख्रीवास ८ मुगा सँग आज फाईनलमा भीडेको उसले ० को विरुद्ध ४ गोल हान्दै उपाधी कव्जा गरेको हो । जीतसँगै उसले नगद १५ हजार सहित गोल्ड मेडल र प्रमाण पत्र प्राप्त गरेको छ । दोश्रो स्थानमा चित्त वुझाएको फुराहाङ युवा क्लवले नगद ७ हजार सहित सिल्भर मेडल र प्रमाण पत्र हात पारेको छ ।
प्रतियोगितामा उत्कृष्ट गोल किपर जीमी गाउँ युवा क्लवका रिदन राई घोषित हुनुभएको छ भने थलथले युवा क्लवका त्रिभूवन राई उत्कृष्ट खेलाडी घोषित हुनुभएको छ । छिरिछिट युवा क्लव पाख्रीवासको ८ को आयोजनामा गत कार्तिक २० गते देखी भएको यो प्रतियोगिता आज सकिएको आयोजक क्लवका अध्यक्ष सिताराम राईले जानकारी दिनुभयो ।
प्रतियोगिता समापन कार्यक्रममा पाख्रीवास नगर प्रमुख तथा कार्यक्रमका प्रमुख अतिथि वृष वहादुर राई लाई ढाका टोपी ओढाई सम्मान गरिएको थियो । पाख्रीवास नगरपालिकाको सहयोगमा सञ्चालित प्रतियोगितामा पाख्रीवास नगरपालिका र शहिदभूमि गाउँपाकिाका जम्मा १० टिमले सहभागिता जनाएका थिए ।
