मुढेवासको मेला सकियो !
धनकुटा । धनकुटाको चौविसे गाउँपालिका मुढेवास शूक्रवारे वजारमा सञ्चालित ३ दिने द्धितीय मेला आज विभिन्न कार्यक्रम गर्दै समापन भएको छ ।
गाउँपालिका प्रमुख खजिन्द्र राईको प्रमुख आतिथ्य तथा मेला संयोजन समितिका संयोजक सञ्च वहादुर मादीको अध्यक्षतामा सञ्चालित एक कार्यक्रमको वीच मेला समापन गरिएको हो । मेलामा पुरुष छेलो,महिला छेलो,स्लो वाईक रेस र लङजम खेल खेलाईएको छ ।
यी खेलहरुमा क्रमश लप्पी लिम्वु,चन्द्र माया लिम्वु,डेविट याख्खा र सुरोज चौधरीले जीत हाँसिल गरेकाछन् । उनीहरुलाई नगद २र२ हजार पुरस्कार प्रदान गरिएको छ । मेलामा क्षेत्री व्राह्मणको संगीनी नाच, भजन र्कितन,लिम्वुजातीको धान नाच र याख्खा जातीको डोकेनी नाच प्रदर्शन गरिएको थियो ।
उनीहरुलाई समेत नगद २-२ हजार पुरस्कार दिईएको छ । उनीहरुलाई मेला आयोजक तथा शुक्रवारे वजार व्यवस्थान समितिका अध्यक्ष एनोज तुम्छा सहित प्रमुख अतिथि,विशेष अतिथिहरुले पुरस्कार प्रदान गरेका थिए ।
