देउसी-भैलोको रकम भवन निर्माणमा
धनकुटा । कति पय स्थानमा देउसी भैलोको रकम वनभोज र घुम्नमा प्रयोग भई रहेको कुरा आए पनि होटल एशोसिएशन अफ भेडेटारले भने भवन निर्माणमा रमक खर्च गर्ने भएको छ ।
एशोसिएशनले तिहारमा खेलेको देउसीभैलोबाट ३ लाख ४३ सहयोग संकलन भएको थियो र त्यो रकम भवन निर्माणमा खर्च गरिने एशोसिएशनका अध्यक्ष जितेन्द्र रुम्दाली राईले जानकारी दिए ।
पर्यटकीय स्थल भेडेटारमा एशोसिएशनले आगामी वैशाखभित्र आफ्नै भवन निर्माण गर्न तिहारमा तीन दिन देउसी भैलो खेलेको थियो । भवन निर्माण गर्न साँगुरीगढी गाउँपालिकासँग जग्गा माग गरिएको अध्यक्ष रुम्दालीले जानकारी दिए ।
भवन निर्माण भएपछि कार्यालय संचालनसँगै पर्यटकीय स्थलको जानकारीमूलक सूचना केन्द्र स्थापना गर्ने उनले बताए । भेडेटार धनकुटा जिल्लाकै प्रमुख पर्यटकीय क्षेत्रका रुपले चिनिदै आएको छ ।
