छथरजोरपाटीमा ४ सय ७ कुकुर-विरालोलाई रेविज रोग विरुद्धको खोप लगाईयो
धनकुटा । धनकुटाको छथरजोरपाटी गाउँपालिकाको ४ सय ७ कुकुर विरालोलाई आज रेविज रोग विरुद्धको खोप लगाईएको छ ।
गाउँपालिकाको पशुविकास शाखाद्धारा आयोजित रेविज शिविर अन्र्तगत उल्लेखित संख्याका कुकुर विरालोलाई रेविज विरुद्धको खोप लगाइएको पशु शाखा प्रमुख राजकुमार राईले जानकारी दिनुभयो ।
शिविर सो गाउँपालिकाको विभिन्न ८ स्थानमा केन्द्र तोकी सञ्चालन गरिएको थियो । शिविरको उद्घाटन एक कार्यक्रमको वीच गाउँपालिका अध्यक्ष शेर वहादुर लिम्वुले गर्नुभएको थियो ।
