पत्रकार नाईकेले नै गरे एक युवतीमाथि दुर्व्यवहार !, प्रेम प्रस्ताव अश्वीकार गरेपछि जबरजस्ति सिंदुर लगाएर बेपत्ता
दमक । झापाको दमकस्थित पत्रकार मंच दमकका अध्यक्ष मनकुमार गदालले एक युवतीलाई दुर्व्यवहार गरेर बेपत्ता भएका छन ।
गत मंसिर ८ गते शनिवार दमकस्थित स्टार एफ एमको आफनै कार्यकक्षमा एक युवतीलाई फोन गरेर बोलाएर गदालले ति युवतीमाथि दुर्व्यवहार गरेका हुन । गदाल विगत एक वर्ष अघिदेखि स्टार एफ् एमका स्टेशन म्यानेजरका रुपमा कार्यरत थिए ।
झापा तोपगाछीकी २३ बर्षिया ति युवतीलाई जन्मदिनको उपहार दिन भन्दै शनिबार बिहान नौ बजे आफनै कार्यकक्षमा गदालले बोलाएका थिए । ति युवती गदालको कार्यकक्षमा आए लगत्तै अध्यक्ष गदालले युवतीलाई प्रेम प्रस्ताव राखेका थिए । तर ति युवतीले सो प्रस्ताव ठाडै अस्वकार गरेपछि गदालले युवतीलाई म संग प्रेम गर्ने अनि अर्को संग विवाह गर्न लागेको भन्दै धम्क्याएका थिए ।
त्यसपछि गदालले युवतीलाई केहि समय तेहि बस्न भनि धक्याउदै बाहिर निश्किए र नजिकैको पसलमा सिन्दुर किने आफनो कार्यकक्षमा पुगि युवतीलाई जवरजस्ति सिन्दुर लगाई दिएका थिए । सो पछि गदाल स्वयमंले युवतीको घरमा फोन गरेर तपाईहरुकी छोरीलाई मैले सिन्दुर लगाए छोरी हराइन भनेर नआत्तिनु होला भनेर फोन समेत गरेका थिए ।
पीडित युवतीले घटनाभए लगत्तै आफनो घर परिवारमा फोन गरेर आफुमाथि दुव्र्यवहार भएको जानकारी गराएकी थिईन । भने सो पछि गदाल लगत्तै भागेका थिए । घटन भएको केहि समयमा नै युवतीका आफन्तहरु स्टार एफ एममा आइपुगेका थिए ।
आक्रोशीत आफन्त तथा ति युवतीकी आमाले गदालको कार्यकक्षमा तोडफोड समेत गरेका थिए । गदाल नेपाल मानब अधिकार संगठन झापाका उपाध्यक्ष, प्रेष चौतारी झापाका उपाध्यक्ष समेत रहेका छन ।
