प्रदेश १ स्तरिय भलिवल : आजको क्वाटरफाइनल खेलमा कुन-कुन जिल्ला विजय भए ? – हेर्नुस्
धनकुटा खबर । मदनभण्डारी स्पोर्ट एकेडेमिको आयोजनामा धनकुटामा जारी प्रदेशस्तरिय भलिवल प्रतियोगिताको आज भएको क्वाटरफाइनल खेलमा भोजपुर, ओखलढुंगा, सुनसरी र झापा विजय भएका छन ।
भोजपुरले संखुवासभालाई २५—२३, २३—२५,२५—१८ र २५—१८ ले पराजित गर्यो । त्यस्तै सुनसरीले खोटाङलाई २५—१६,२५—२१ र २५—२० पराजित गर्यो । ओखलढुंगा र तेह्रथुम विच भएको खेलमा ओखलढुंगाले तेह्रथुमलाई २५—१५, २६-२४ र २५—१३ ले पराजित गर्यो ।
त्यस्तै झापा र ताप्लेजुङ विच भएको खेलमा झापाले ताप्लेजुङलाई पराजित गर्यो । उसले २२—२५,२५—१५,२५—१७ र २५—१६ ले पछि पार्यो । जित सगै भोजपुर,ओखलढुंगा,सुनसरी र झापा सेमीफाइनलमा प्रवेश गरेका छन ।
भोली हुने पहिलो सेमिफाइनल खेल भोजपुर र झापा र दोस्रो सेमिफाइनल खेल सुनसरी र ओखलढुंगा विच हुने मुख्य रेफ्री विनय राइले जानकारी दिनु भयो ।
मंसिर १३ गतेसम्म संचालनहुने प्रतियोगितामा प्रथम हुने टीमले एकलाख ५१ हजार एकसय सय ११ रुपैयाँ नगद प्राप्त गर्नेछ । त्यस्तै दोस्रो हुनेले एकलाख, एकहजार, एकसय ११ रुपैयाँ तथा तेस्रो हुनेले ५१ हजार एकसय ११ रुपैयाँ नगद प्राप्त गर्ने छन् । प्रतियोगितामा प्रदेश नम्वर एकका १४ वटा टीमको सहभागिता छ ।
