सिकाइ केन्द्रलाई आर्थिक अभाव !
धनकुटा खबर । सञ्चालन खर्च अभावका कारण धनकुटाको साँगुरीगढी गाँउपालिकामा सञ्चालनमा रहेका सामुदायीक सिकाइ केन्दहरु समस्यामा परेका छन् ।
गत श्राबण महिना यता सञ्चालन खर्च नआउदा गाँउपालिकामा सञ्चालित ७ सामुदायीक सिकाइ केन्द्र समस्यामा परेका हुन् । एक केन्द्रको लागि बार्षिक एक लाख रुपैया निर्धारण गरिएको छ । जसवाट कार्यलय ब्यबस्थापनको साथै बिभिन्न पुस्तक पत्रपत्रिका खरीद गर्ने गरीएको छ ।
गत आर्थिक बर्ष सम्म जिल्ला शिक्षा समन्बय समितिले खर्च निकासा गदै आएकोमा यो बर्षवाट भने स्थानिय तहले खर्च बेहोर्ने शिक्षा समन्बय समितिले जनाएको छ ।
यता गाँउपालिकाले भने कुन शिर्षक वाट खर्च गर्ने भन्ने कुरानै टुङ्गो नभएको जनाएको छ । रकम निकासा नहुदा सञ्चालनमा समस्या परेको ध्बजे डाँडा सामुदायकि सिकाइकेन्द्रका अध्यक्ष ध्रुब घिमिरेले जानकारी दिनुभयो ।
समाजका रहेक ब्याक्तिलाइ साक्षर बनाएर निरन्तर पढाइ बिकास गर्ने उदेश्यका साथ २०५९ सालमा तत्कालिन जिल्ला शिक्षा कार्यलयले सामुदायीक अध्यायन केन्द्रको नाममा स्थापना गरेको थियो ।
