कलालाई जिउने आधार बनाऊँदै महेश, यस्तो छ पछिल्लो भिडियो – हेर्नुस्
झण्डैं आधा दशक देखी महेश दुधराज मोडलिङमा क्रियाशिल छन् । आकर्षक जीउडालका महेशको एउटै उद्देश्य सफल कलाकार बन्ने छ । उनले हालसम्म कुनै हेन्डसम प्रतियोगितामा भाग नलिए पनि मोडलिङमा भने निकै राम्रा पर्फमेन्स दिँदै आएका छन् । सानैबाट यस क्षेत्रमा रुची भएका कारण उनी निरन्तर मोडलिङमा छन् । काठमाडौं घर भएका महेश छुट्टै पहिचान बनाउन आफू यो क्षेत्रमा प्रवेश गरेको बताउँछन् ।
एक दर्जन म्युजिक भिडियोमा अभिनय गरिसकेका महेश ठूलो पर्दामा पनि काम गर्छन । नृत्य एवं अभिनयमा निक्कै दख्खल राख्छन् महेश । उनको अभिनय रहेको तीनवटा फिल्म पनि सार्वजनिक भएको छ । जहाँ उनी मुख्य रोलमा छन् । घर परिवारको राम्रो साथ अनि साथीभाईको हौसला रहेका उनलाई केही अग्रजले कलाकारितामा भविष्य छ भन्ने सुझाव दिएपछि यो क्षेत्रमा लागिरहेका छन् । गायक रबि बर्जचार्यको पहिलो साँझहरुको गीतबाट डेब्यु गरेका उनी मोडलिङलाई प्रतिभा प्रस्फोटनको दरिलो माध्यमका रुपमा लिन्छन् ।
हाल पनि सुटिङमै व्यस्त रहेको बताउदैं महेश भन्छन्, कला क्षेत्रलाई जिउने आधार बनाइरहेको छु । उनले र उनका साथी निशा र सानुले अभिनय गरेको एक्लो एकान्तमा अहिले निक्कै रुचाईएकोे छ । उनको अभिनयमा निक्कै उत्कृष्ठता देखिएको छ । जसको गायक सानु स्याङ्वाको हुन् । जुन गीतको निर्देसन हरि वाग्लेले गरेका थिए ।
