पाख्रीबास मेयरकप फुटवलको फाईनल भोली
धनकुटा । धनकुटाको पाख्रीवासमा जारी वडा स्तरिय प्रथम मेयरकप फुटवल प्रतियोगिताको फाईनलमा ४ र ९ नं वडा प्रवेश गरेकाछन् ।
नगरपालिकाको आयोजनामा गत माघ १६ गते देखी जारी प्रतियोगिताको सेमी फाईनलको खेल अन्र्तगत आज भएको दुई खेल मध्ये ९ नं वडाले ३ नं लाई हराउदै फाईनलका लागि स्थान वनाएको हो भने १० नं वडा लाई हराउदै ४ नं वडाले फाईनलको यात्रा सुनिश्चित गरेको हो ।
वडा नं ३ भर्सेज ९ वीचको खेलको निर्धारित समयमा दुवै वडाले गोल नगरेपछि खेल ट्राईव्रेकरमा धकेलिएको थियो । ट्राईव्रेकरको समयलाई सदुपयोग गर्दै वडा नं ९ ले ३ को विरुद्ध ५ गोल लगाउदै जीत निकालेको हो ।
त्यस्तै वडा नं १० संग भीडेको ४ नं वडाले एक आत्माघाती गोलको उपहार पाएको थियो भने अर्काे १ गोल लगाई ०-२ गोलको जीत हाँसिल गरेको प्रतियोगिता प्रचार प्रसार उपसमितिका संयोजक सिताराम राईले जानकारी दिनुभयो ।
प्रतियोगिताको फाईनल खेल भोलि १ वजेदेखी हुनेछ । प्रतियोगिताका विजयी प्रथम समूहले नगद १ लाख सहित ट्रफी,मेडल र प्रमाण पत्र, दोश्रो हुने समूहले नगद ५० हजार सहित मेडल र प्रमाण पत्र र त्यसपछिका दुई समूहले नगद १०/१० हजार सहित प्रमाण पत्र पुरस्कार प्रदान गरिने छ ।
