धनकुटामा कृषि बीमा कार्यक्रम शुरु
धनकुटा खबर । धनकुटामा कृषि बिमा कार्यक्रम शुरु भएको छ । जिल्लाको तरकारी पकेट क्षेत्रका रुपमा रहेको छथर जोरपाटी गाउँपालिकाको सिंधुवामा उक्त कार्यक्रम शुरु गरिएको हो ।
प्रधानमन्त्री कृषि जोन समेत सन्चालन भईरहेको उक्त क्षेत्रमा कृषि बिकास बैंकको ७५ प्रतिशत र किसानको २५ प्रतिशत (प्रिमियम) लगानीमा बिमा कार्यक्रम शुरु गरेको हो ।
स्थानिय सुलभ बचत तथा ऋण सहकारीको सक्रियतामा भएको कार्यक्रममा बिभिन्न ७ वटा तरकारी बालीमा बिमा शुरु गरिएको सहकारीका अध्यक्ष मेघेन्द्र गुरुङ्गले जानकारी दिए ।
गएको पौष १८ बाट शुरु भएको बिमा कार्यक्रममा हाल सम्म १ सय ५५ जना किसान सहभागि रहेको गुरुङ्गले जानकारी दिए ।
रायो साग,मटर,टमाटर,खुर्सानी,बन्दा,फुलगोभी गरी ८ सय ७४ रोपनीमा लगाएको सब्जी बीमा गरिएको बिमा उपसमितिका संयोजक खड्ग बहादुर पौडेलले जानकारी दिए ।
प्रति रोपनी ३ सयले अधिकतम १३ रोपनी सम्म सन्चालन भएको तरकारी बीमा कार्यक्रम अन्तर्गत १ लाख ७४ हजार ७ सय ५० बरावरको बीमा गरिएको पौडेलले जानकारी दिए । ४ बर्ष अघि बीमा कार्यक्रम शुरु भएपनि यो बीमा कार्यक्रम लागु हुन सकेको थिएन ।
तस्वीर : बजार लान रायोको साग टिप्दै धनकुटाको छथरजोरपाटी गाउँपालिकाको सिंधुवा स्थित मझुवा गाउँका महिलाहरु ।
