छिन्ताङमा खुल्ला नृत्य प्रतियोगिता र वृहत साँगितीक कार्यक्रम हुने
धनकुटा खबर । स्थानिय स्तरमा पर्यटन प्रवद्र्धन गर्ने लक्षका साथ धनकुटाको शहिदभूमि गाउँपालिका शहिद स्मृती पार्क छिन्ताङमा वैशाख १ गते खुल्ला नृत्य प्रतियोगिता तथा वृहत साँगितीक कार्यक्रम हुने भएको छ ।
नयाँ वर्षको अवसर पारी शहिद स्मृती प्रतिष्ठान छिन्ताङको आयोजनामा कार्यक्रम हुन लागेको हो । नृत्य प्रतियोगिताको विजयी प्रथम, द्धितीय, तृतीय र शान्त्वना स्थान हाँसिल गर्नेहरुलाई क्रमश नगद ४ हजार, ३ हजार, २ हजार र १ हजार पुरस्कार प्रदान गरिने आयोकले जनाएको छ ।
कार्यक्रममा त्रीवेणी साँस्कृतीक समूह धनकुटाको वेजोड नृत्य प्रदर्शन, स्थानिय जातजाती राईहरुको ढोल, पापानी, मारुनी, मगरको हुर्रा नाँच समेत प्रर्दशन गरिने छ । यो कार्यक्रमको तयारी करिव अन्तिम चरणमा पुगेको आयोजाक संस्थाका सचिव डिक वहादुर राईले जानकारी दिनुभयो ।
कार्यक्रमको उद्घाटन नयाँ वर्ष वैशाख १ गते दिउसो १ नं प्रदेशसभा सदस्य निरन राईले गर्नु हुने आयोजकले जनाएको छ ।
