धनकुटाको छथरजोरपाटी गापा र महालक्ष्मी नगरमा वित्तिय साक्षरता तथा सचेतना कार्यक्रम
धनकुटा खबर । नेपाल बंगलादेश बैक सिधुवा शाखाको आयोजना तथा नेश्नल बैंक ईन्ष्टिच्यूट काठमाण्डौको सहकार्यमा धनकुटाको छथरजोरपाटी गाउँपालिका र महालक्ष्मी नगरपालिकाको विभिन्न स्थानमा वित्तिय साक्षरता तथा सचेतना कार्यक्रम सञ्चालन गरिएको छ ।
सर्वसाधारणलाई वित्तिय व्यवस्थापन वारे जानकारी दिने लक्षका साथ छथरजोरपाटी गाउँपालिकाको मझुवा, ५ नं वडा कार्यलय र जोरपाटी वजार र महालक्ष्मी नगरपालिकाको वडा नं ९ मूर्तिढुंगामा यो कार्यक्रम सञ्चालन गरिएको नेपाल बंगलादेश बैंक सिधुवा शाखाका प्रवन्धक टंक प्रसाद लिम्वुले जानकारी दिनुभयो ।
प्रवन्धक लिम्वुका अनुसार कार्यक्रममा बचत गर्ने बानीको विकास, कर्जाको आवश्यक्ता पहिचान तथा सदुपयोग, वित्तिय योजना तर्जुमा, कार्यान्वयन, जोखिम न्युनीकरण, विमा तथा विप्रेशण को वारेमा अन्तरक्रियात्मक विधि मार्फत प्रशिक्षण गराईएको थियो । कार्यक्रम बैंकको संस्थागत सामाजिक उत्तरदयित्व (सि.एस.आर) अन्तर्गत बैकका प्रदेश नं १ प्रमुख हरि प्रसाद कोइरालाको उपस्थितिमा भएको थियो ।
हिजो र आज सञ्चालन गरिएको यो कार्यक्रमको सहजीकरण नेश्नल बैंक ईन्ष्टिच्यूट काठमाण्डौका प्रशिक्षक तथा श्रोत व्यक्ति खगेन्द्र तिम्सिनाले प्रशिक्षण गर्नुभएको थियो । कार्यक्रममा २ सय ५० जना सर्वसाधारणको सहभागीता थियो ।
