कृषी समाग्री बितरणसँगै पाख्रीबासमा घरदैलो कार्यक्रम शूरु
धनकुटा खबर । धनकुटाको पाख्रीवास नगरपालिका ४ नं वडाले कृषकहरुको घरदैलो कार्यक्रम शूरु गरेको छ ।
केही हप्ता अघि वडाले किसानहरुलाई वितरण गरेको तरकारी तथा मसला जन्य सामाग्रीको विउको व्याड कसरी राखे ? भन्ने कुराको निरिक्षण गर्न र अव वितरण गरिने घाँस काट्ने मेशीन, टनेलका लागि उपयुक्त कृषक तथा पशुपालक फम छनौट र गोठ सुधारका लागि अध्ययन गर्न लागि यो कार्यक्रम शूरु गरिएको वडाले जनाएको छ । घरदैलो कार्यक्रम तीन दिन सम्म सञ्चालन गरिने वडाध्यक्ष शोवित निरौलाले जानकारी दिनुभयो ।
किसानहरुलाई वडाले यो वर्ष २ लाख वढीको तरकारी तथा मसला जन्य सामाग्रीको वीउ वाँडेको छ । यसरी घरदैलो कार्यक्रम सञ्चालन भईरहदा कृषकहरुको जीवन स्तर माथि उकास्न र कृषीमा आत्मा निर्भर वनाउन अनुदानका महत्वपूर्ण कार्यक्रमहरु ल्याउन सुझाव दिएका छन् ।
